झरना अधिकारी, अमेरिका । महाशिवरात्री पर्वको अवसर पारेर अमेरिकाको टेक्ससको ग्रेटर अस्टिनस्थित हुट्टोमा पशुपतिनाथ मन्दिरको प्राण प्रतिष्ठा गरिएको छ । ग्रेटर अस्टिन नेपाली सोसाइटी –ग्यान्स) ले निर्माण गरेको पशुपतिनाथ मन्दिरको प्राण प्रतिष्ठा कार्यक्रममा अस्टिन र आसपासका क्षेत्रमा रहेका नेपाली हिन्दूहरुको बाक्लो उपस्थिति रहेको थियो ।

वैदिक हिन्दू परम्परा अनुसार २ दिनसम्म पूजा पाठ, जप, हवन लगायतका विधि पूरा गरेर मन्दिरको प्राणप्रतिष्ठा सम्पन्न भएको हो । अमेरिकामा रहेका नेपाली हिन्दूहरुको आस्थाको केन्द्रका रुपमा सो मन्दिर प्रचलित रहने विश्वास व्यक्त गरिएको छ ।