अघिल्लो कारोबार दिन मंगलबार नेप्से १४.३१ अंकले र सोमबार २८.९१ अंकले बढेको थियो। आइतबार भने नेप्से १३.५३ अंकले घटेको थियो।

बिहीबार नेप्सेमा कुल ५ अर्ब १४ करोड रुपैयाँ बराबरको कारोबार भएको छ। अघिल्लो कारोबार दिन मंगलबार भने नेप्सेमा कुल ५ अर्ब १३ करोड रुपैयाँ बराबरको कारोबार भएको छ।

बिहीबार कारोबारमा आएकामध्ये ७० कम्पनीको सेयर मूल्य बढ्दा १६३ कम्पनीको घटेको छ। यस्तै, ९ कम्पनीको सेयर मूल्य भने स्थिर छ।

बिहीबार सबै वाणिज्य बैंकको सेयर मूल्य बढ्दा बैंकिङ समूह १.८१ प्रतिशतले सकारात्मक बनेको छ। विकास बैंक समूह २.४८ प्रतिशत र फाइनान्स समूह २.७० प्रतिशतले घटेको छ।

बिहीबार आत्मनिर्भर लघुवित्त र सपोर्ट लघुवित्तको सेयर मूल्यमा सकरात्मक सर्किट लागेको छ। कर्पोरेट विकास बैंक, नारायणी विकास बैंक र सिन्धु विकास बैंकको सेयर मूल्यमा भने नकारात्मक सर्किट लागेको छ।