लुम्बिनी । लुम्बिनी प्रदेशका मुख्यमन्त्री चेतनारायण आचार्यले विश्वासको मत पाएका छन् । मंगलबार प्रदेशसभा बैठकमा भएको मत विभाजनमा उनको पक्षमा ७० र विपक्षमा ११ मत परेको थियो । लुम्बिनीमा कुल ८७ सांसद छन् भने बहुमतका लागि ४४ सांसदको संख्या आवश्यक पर्छ।

गत साउन ७ गते मुख्यमन्त्री नियुक्त भएका आचार्यले मंगलबार प्रदेशसभाबाट विश्वासको मत लिएका हुन् । मुख्यमन्त्रीमा नियुक्त भएको ३० दिनभित्र विश्वासको मत लिइसक्नुपर्ने संवैधानिक व्यवस्था छ ।