काठमाडौं । प्रधानमन्त्री केपी शर्मा ओलीले सहकारी ठगमाथि कारबाही हुने बताएका छन् । प्रतिनिधिसभाको आइतबारको बैठकमा विश्वासको मतसम्बन्धी प्रस्ताव पेस गर्दै प्रधानमन्त्री ओलीले सहकारी ठगीमा संलग्न कसैले पनि उन्मुक्ति नपाउने बताएका हुन् ।

उनले सहकारी पीडितका सम्बन्धमा उचित निर्णय लिने उल्लेख गरे । उनले भने,’सहकारी पीडितका सम्बन्धमा उचित निर्णय लिने छौं । जोसुकै भए पनि सहकारी ठगलाई कानुनी कारबाही गर्नेछौं । जुनसुकै कालखण्डमा भएका भ्रष्टाचार भएपनि तिनका दोषीलाई उन्मुक्ति दिइँदैन।’

उनले सरकारले आफू गोरो देखिन अर्कोको अनुहारमा हिलो छ्याप्ने काम नगर्ने बताए ।