काठमाडौं । नेपाली कांग्रेसले उपसभामुख इन्दिरा रानामगरले अमेरिकी दूतावासले लेखेको पत्रबारे सदनमा प्रश्न उठाएको छ ।

आइतबारको संसद बैठकमा कांग्रेस संसद रामहरी खतिवडाले उपसभामुखले मानव तस्करी गर्ने नियतले सिफारिस गरिएको पत्र सार्वजनिक भएको भन्दै यस्तो अवस्थामा उपसभामुखले संसदको नेतृत्व गर्न नमिल्ने बताए । उनले उपसभामुख रानामगरलाई राजीनामा दिएर छानबिनमा सहयोग गर्न आग्रह गरे ।

उनले भने, ‘संसदमा सूचना बेच्ने यही छन् भनेको एक जनाले भनेको सुनेको थिएँ। सूचना बेच्ने त देखिनँ मान्छे बेच्ने चाहिँ यतै छन् कि क्या हो अनुसन्धान हुनुपर्छ । उपसभामुखलाई अनुरोध गर्छु, इज्जतका लागि भएपछि संसदको बाटोबाट टाप कस्नुभए हुन्छ।’

उनले यो विषयको अनुसन्धान हुनुपर्ने माग गरे । उनले संसद र सभामुखलाई भिसाको कन्सल्टेन्सी बनाउन नमिल्ने भन्दै उपसभामुखले राजीनामा दिनु नै उपयुक्त हुने बताए ।