काठमाडौं । नेकपा एमालेका प्रमुख सचेतक महेश बर्तौलाले सरकार सहज र सफल ढंगबाट अगाडि बढ्ने बताएका छन् ।

सोमबारको प्रतिनिधिसभाको बैठकमा प्रमुख सचेतक बर्तौलाले यात्राका क्रममा चुनौतीका धेरै ठूला अग्ला अग्ला पहाडहरु भएपनि सक्षम, दुरदर्शी र दृढ पाइलाको कारणले सरकार सहज ढंगले अगाडि बढ्ने विश्वास व्यक्त गरेका हुन् ।

उनले सरकार सफल ढंगबाट अगाडि बढ्ने सिंगो देशको अपेक्षा रहेको कारण सरकारलाई असफल हुने कुनै छुट नरहेको बताए ।

उनले भने, ‘म शुभकामना दिन चाहन्छु र यो सरकारलाई असफल हुने कुनै छुट छैन् । त्यसकारण सफल ढंगबाट अगाडि बढ्ने छ भनेर सिंगो देश बासिले अपेक्षा राखेका छन् ।’