पेरिस । फ्रान्सको एक अदालतले पूर्व राष्ट्रपति निकोलस सार्कोजीलाई अवैध आर्थिक सहयोग लिएकोे सजायमा जेल सजाय भोग्नुपर्ने फैसला सुनाएको छ ।

यस निर्णयले सन् २००७ देखि २०१२ सम्म एक कार्यकाल पूरा गरेका र पद छाडेपछि कानुनी समस्याहरूको सामना गरेका पूर्वराष्ट्रपतिले फेरि खुट्टामा विद्युतीय अनुगमन यन्त्र लगाउनुपर्ने हुन सक्छ ।

उनले डिसेम्बर २०२४ मा तथाकथित ‘बिस्मथ’ मुद्दामा न्यायाधीशको पक्ष लिने प्रयासको लागि आफ्नो अन्तिम कानुनी सहारा अन्त्य भएको थियो र आरोपको खण्डन गरेका पूर्व राष्ट्रपतिलाई आपराधिक षड्यन्त्रको आरोपमा पाँच वर्षको जेल सजाय सुनाइएको थियो।

गत वर्ष नोभेम्बरमा उनले सन् २०१२ को आफ्नो असफल पुनः चुनावको प्रयासको अवैध वित्तपोषणको लागि ‘बाइग्मेलियन’ मुद्दामा दोस्रो सजाय प्राप्त गरेका थिए । यसमा फ्रान्सको सर्वोच्च अदालतले छ महिनाको जेल सजायलाई सदर गरेको छ । उनले दुबै मुद्दाको सजाय अवधिलाई गाभ्न गरेको अपील अदालतले खारेज गरिदिएको छ।

सन् २००७ मा लिबियाबाट आर्थिक सहयोग लिएको अभियोगमा गत बर्ष २० दिन जेल सजाय भोगेका थिए । उनी आधुनिक फ्रान्सको स्थापनापछि जेल जाने पहिलो राष्ट्रपति हुन् । सार्कोजीले उक्त मुद्दामा अपील दायर गरेका छन् ।

दोस्रो विश्वयुद्धपछि जेल परेका नाजी राष्ट्रप्रमुख फिलिप पेटेनपछि सार्कोजी जेलमा पर्ने पहिलो फ्रान्सेली नेता हुन् । उनी कार्यालय छोडेपछि कानुनी समस्याहरूको बावजुद एक प्रभावशाली व्यक्तिका रूपमा हेरिन्छ ।