काठमाडौं । नेकपा एमालेले सडक आन्दोलनका क्रममा पोखरामा राष्ट्रिय स्वतन्त्र पार्टीका नेताहरूले दिएको अभिव्यक्तिप्रति आपत्ति जनाएको छ ।

बिहीबार एमाले महासचिव शंकर पोखरेलले विज्ञप्ति जारी गरी रास्वपाका नेताहरुको अभिव्यक्तिप्रति आपत्ति जनाएका हुन् । उनले रास्वपाले राष्ट्रसेवकलाई कर्तव्य पालनमा अवरोध पुर्याएको भन्दै त्यो कसुर हुने उल्लेख गरेका छन् ।

विज्ञप्तिमा भनिएको छ, ‘राष्ट्रसेवकलाई कानुनबमोजिम तोकिएको काम गर्न नदिन वा कर्तव्य पालना गर्न नदिने हिसाबले पाँच जनाभन्दा बढीको भेला गर्नु आफैँमा कसुर हो । यस्तो कसुरमा संघीय संससदको सदस्य उपस्थिति उन र यस्तो कसुर गर्न अरुलाई उक्साउनु पूर्णत गैरकानुनी कार्य हो ।’