जनकपुरधाम । चौतर्फी आलोचना भएपछि मधेस प्रदेशका मुख्यमन्त्री सतिशकुमार सिंहले आठ जना राज्यमन्त्री बर्खास्त गरेका छन् । मंगलबार बिहान मुख्यमन्त्री सिंहले आठ जना राज्यमन्त्री बर्खास्त गरेका हुन् ।

मुख्यमन्त्री सिंहले भौतिक पूर्वाधार विकास राज्यमन्त्री मोहम्मद जैद आलम, स्वास्थ्य राज्यमन्त्री केशव राय, गृह, सञ्चार तथा कानुन राज्यमन्त्री शारदा देवी थापा, वन तथा वातावरण राज्यमन्त्री रञ्जुकुमारी मण्डल, शिक्षा राज्यमन्त्री रामबाबु यादव, उद्योग राज्यमन्त्री शम्भुकुमार साह, कृषि राज्यमन्त्री रेखा ठाकुर र ऊर्जा, सिँचाइ तथा खानेपानी राज्यमन्त्री निलमकुमारी रजकलाई बर्खास्त गरेका हुन् ।

आठ राज्यमन्त्री थपेर मन्त्रिपरिषद् २० सदस्यीय बनाएपछि मुख्यमन्त्री सिंहको चर्को आलोचना भएको थियो । यसै विषयलाई लिएर पार्टीसमेत उनलाई स्पष्टीकरण सोधेको थियो । मन्त्रिपरिषद जम्बो बनाइएको भन्दै जसपा नेपालनिकट युवा र विद्यार्थी संगठनले मधेसमा विरोध प्रदर्शनसमेत सुरु गरेका थिए ।