काठमाडौँ । गृहमन्त्री रमेश लेखकले अहिलेको टीआरसी विधेयक पीडितमैत्री भएको बताएका छन् । शनिबार काठमाडौंमा ‘टीआरसी विधेयकमा भएको ऐतिहासिक उपलब्धिः ऐन कार्यान्वयनमा द्वन्द्व पीडितहरूको सहभागिता’ विषयक अन्तरक्रियामा गृहमन्त्री लेखकले सबै पीडितलाई एक ठाउँमा लिएर समाधान गर्नुपर्ने बताए ।

उनले पीडकको पीडा पीडितले मात्र बुझ्ने बताए । गृहमन्त्रीले कानुन जस्तोसुकै भएपनि कार्यान्वयन गर्ने निकाय सक्षम हुन आवश्यक रहेको बताए ।

उनले बलात्कारका घटनाका दोषीलाई सजाय कम गर्दा समाजमा राम्रो सन्देश नजाने भएकाले त्यसमा सरकार दृढ रहेको बताए ।

उनले भने,‘देशभरीमा अहिले पनि सबैभन्दा बढी बलात्कार घटनामा दोषी कैदी रहेछन्, यसमा सजाय घट्यो भने समाजमा के सन्देश जाला ? त्यसैले जहिले जसरी भए पनि बलात्कार बलात्कार नै हो, त्यसमा कुनै अवस्थाले सजाय फरक हुँदैन ।’