काठमाडौं । राष्ट्रिय स्वतन्त्र पार्टीले नयाँ गठनबन्धमा सहभागी नहुने निर्णय गरेको छ । मंगलबार बिहान बसेको पार्टी सचिवालय बैठकले नयाँ गठबन्धनमा सहभागी नहुने निर्णय गरेको हो ।

बैठकले नयाँ सरकार गठनको प्रक्रिया अगाडि बढ्ने वित्तिकै सरकार छोड्ने निर्णय गरेको छ। रास्वपाका प्रमुख सचेतक सन्तोष परियारले अर्को सरकार गठनको प्रक्रिया अगाडि बढ्ने वित्तिकै सरकारबाट बाहिरिने र नयाँ गठबन्धनमा रास्वपा सहभागी नहुने निर्णय भएको बताए ।

नेकपा एमाले र नेपाली कांग्रसले नयाँ सरकार गठनमा सहमति गरेका छन् । सहमतिअनुसार सुरुमा दुईवर्ष एमाले अध्यक्ष ओली प्रधानमन्त्री बन्ने र त्यसपछिको बाँकी समय कांग्रेस सभापति शेरबहादुर देउवा प्रधानमन्त्री बन्नेछन् ।