ब्रसेल्स । युरोपेली सङ्घ (इयू)का ऊर्जा आयुक्त डान जोर्गेनसेनले युरोपेली सङ्घका ऊर्जा आयुक्त डान जोर्गेनसेनले तरलीकृत प्राकृतिक ग्यास (खाना पकाउने ग्यास)का लागि युरोप अमेरिकामाथि निर्भर हुन नहुने बताएका छन् ।

“ग्रिनल्याण्डबारे विवादपछि देखिएको भूराजनीतिक उथलपुथल एउटा विवेकसङ्गत चेतावनी हो,” जोर्गेन्सेनले ब्रसेल्समा पत्रकारहरूसँग भने ।

उनले भने, “इयूले रूसी ऊर्जाको आयात घटाउँदै जाँदा त्यहाँ बढ्दो चिन्ता छ । म यसलाई सार्वजनिक गरेको छु, हामी एक निर्भरतालाई अर्कोसँग प्रतिस्थापन गर्ने जोखिम उठाइरहेका छौँ ।”

पूर्व डेनिस ऊर्जा मन्त्रीले भने, “इयूलाई आपूर्ति बढाउन सक्ने ब्रसेल्सले क्यानाडा, कतार र उत्तर अफ्रिकाका देशजस्ता ‘विकल्पहरू खोजिरहेको छ’।”

उनले भने, “म आगामी महिनाहरूमा धेरै सम्बन्धित देशहरूसँग सान्दर्भिक बैठकहरूको आयोजना गर्नेछु र हाम्रो सम्बन्ध सुधार गर्ने उद्देश्यका साथ यी केही देशहरूको भ्रमण पनि गर्नेछु।”

गत वर्ष संयुक्त राज्य अमेरिकाले समूहको एलएनजी आयातलाई ६० प्रतिशत भन्दा कम बनाएको थियो ।
जोर्गेन्सेनले भने, “अमेरिकासँग कम व्यापार गर्ने हाम्रो नीति कहिल्यै बनेको छैन, हामी व्यापार द्वन्द्व चाहँदैनौं, तर युरोपले ट्रम्पलाई रिस उठाउने जोखिम उठाउँछ र यदि उसले अब अमेरिकाबाट अलग हुन खोज्छ भने यसले यूरोपलाई असर गर्नेछ ।” गत वर्ष दुई पक्षले गरेको व्यापार सम्झौताको एक महत्वपूर्ण हिस्सा ठूलो मात्रामा जीवाश्म इन्धन किन्ने वाचा थियो ।

सम्झौताअनुसार २७ राष्ट्रको युरोपेली सङ्घले आफ्ना कम्पनीले आगामी तीन वर्षभित्र अमेरिकाबाट ७५० अर्ब अमेरिकी डलर बराबरको ऊर्जा खरिद गर्ने लक्ष्य राखेको जनाएको छ ।

ट्रम्पले यसै महिना युरोपेली सङ्घको सदस्य डेनमार्कबाट ग्रीनल्याण्डको स्वायत्त क्षेत्र कब्जा गर्ने चेतावनी दिएपछि ट्रान्सएटलान्टिक गठबन्धनमा नयाँ सङ्कटमा छाएको छ।