काठमाडौँ । अख्तियार दुरुपयोग अनुसन्धान आयोगले रुकुम पश्चिमको बाँफिकोट गाउँपालिकाका प्रमुख प्रशासकीय अधिकृत दुर्गबहादुर ओलीसहित चार जनाविरुद्ध विशेष अदालत काठमाडौँमा मुद्धा दायर गरेको छ ।

अख्तियारले बाँफिकोट गाउँपालिकाको वडा नं. २ मा पिपलकाँडा मेलगौरी सडक खण्ड निर्माण योजनामा  २१ लाख ६३ हजार ८६५ अनियमितता गरेको आरोपमा चार जनाविरुद्ध मुद्धा दायर गरेको हो ।

मुद्धा दायर हुनेमा प्रमुख प्रशासकीय अधिकृत ओली, प्राविधिक दल बहादुर ओली, लेखापाल महेन्द्र शर्मा र मालिका बस्नेत निर्माण सेवा छेडागाड, जाजरकोट र सोका प्रोपाइटर शान्त बहादुर बस्नेत रहेका छन् ।