काठमाडौं । नेपाली कांग्रेसका महामन्त्री गगन थापाले नेपालमा बंगालदेशको जस्तो अवस्था आउनसक्ने भन्दै माओवादी अध्यक्ष प्रचण्डले सदनमा दिएको अभिव्यक्तिप्रति आपत्ति जनाएका छन् ।

बिहीबारको प्रतिनिधिसभा बैठकमा महामन्त्री थापाले उत्तेजनाको राजनीति नगर्न आग्रह गरेका हुन् । उनले उत्तेजनाको राजनीतिले सबैलाई जलाउने भएकाले सचेत हुन आग्रह गरे ।

उनले भने, ‘सदनमा केही दिनअघि बोल्दा विपक्षी दलको नेताले नेपालमा बंगलादेशको अवस्था आउन सक्नु भन्नुभएछ । बंगलादेशकी प्रधानमन्त्री शेख हसिना जस्तो भाग्नुपर्ने अवस्था आए प्रचण्ड मात्र खुमलटारमा चयनले बस्नसक्नु हुन्न । त्यसैले तर्साउन र उत्तेजनाको राजनीति गर्ने काम कसैबाट नहोस् । आगोको झिल्को बाल्न सजिलो छ । तर त्यसलाई निभाउन गाह्रो छ ।’