काठमाडौँ । जनता समाजवादी पार्टी नेपालले पार्टी पदाधिकारी र केन्द्रीय सदस्य चयन गरेको छ । महाधिवेशन सकिएको साढे दुई महिनापछि पार्टीका पदाधिकारी र केन्द्रीय सदस्यहरू तोकिएका छन् ।

महाधिवेशनले अध्यक्ष उपेन्द्र यादवलाई पदाधिकारी र केन्द्रीय सदस्य तोक्ने अधिकार प्रत्यायोजन गरेको थियो । सोही निर्णयअनुसार अध्यक्ष यादवले पदाधिकारी र केन्द्रीय सदस्य तोकेका हुन् ।

पदाधकारीमा रकम चेम्जोङलाई सदअध्यक्षको जिम्मेवारी दिइएको छ भने राजकिशोर यादव, मृगेन्द्रकुमार सिंह यादव, गोविन्द चौधरी, शिवालाल थापा मगर र विद्युत् बज्राचार्यलाई उपाध्यक्ष तोकिएको छ । त्यस्तै दुई महासचिवमा लालबाबु राउत र रामकुमार शर्मालाई जिम्मेवारी दिइएको छ ।