काठमाडौं । राष्ट्रिय स्वतन्त्र पार्टीका सभापति रवि लामिछानेले भ्रष्टाचार मुद्दाको अनुसन्धानमा पाँचवर्षको हदम्याद स्वीकार्य नहुने बताएका छन् ।

बिहीबारको प्रतिनिधिसभा बैठकमा सभापति लामिछानेले पाँचवर्षको हदम्याद मान्य नहुने बताएका हुन् । उनले भने, ‘आफ्नो दल र आफ्नो तर्फबाट भ्रष्टाचारको मुद्दामा नो इफ, नो बट, हाम्रो कुरा क्लियर कट।’ उनले पाँच वर्षे हदम्याद नराख्न भन्दै आफू सयौं टेलिफोन कल आएको बताए ।

उनले कुनै हालतमा भ्रष्टाचार मुद्दामा हदम्याद राख्न नहुने र यसमा सिंगो सदन एकठाउँमा उभिनेमा आफू विश्वस्त रहेको बताए । त्यस्तै उनले नीतिगत भनेर मन्त्रिपरिषद लगेर निर्णय गर्ने कुरालाई पनि गम्भीर रुपमा लिनुपर्ने र त्यसको परिभाषा हुनुपर्ने बताए ।