काठमाडौं । राष्ट्रिय स्वतन्त्र पार्टीकी सांसद एवं पूर्वशिक्षामन्त्री सुमना श्रेष्ठले नेपालको हवाई क्षेत्रको सुरक्षाका लागि सरकारलाई सुझाव दिएकी छन् ।

बिहीबारको संसदको अन्तर्राष्ट्रिय सम्बन्ध समितिको बैठकमा पर्यटनमन्त्रीले हवाई क्षेत्रको सुधारका लागि सुझाव मागेका थिए । त्यसपछि सांसद श्रेष्ठले सरकारलाई सुझाव दिएकी हुन् ।

सरकारलाई सुझाव दिँदै उनले भनेकी छन्, ‘पर्यटन मन्त्री माननीय बद्री प्रसाद पाण्डे ज्यूको सचिवालयले नेपालको हवाई क्षेत्रको सुरक्षाका लागि सुझाव माग्नु भएको जानकारी समाचारमार्फत प्राप्त भयो । दिइएको आधिकारिक ईमेलमा हामीले यी सुझावाहरु बुझाएका छौँ । यथाशीघ्र कार्यान्वयनमा लैजानुहुनेछ भन्ने अपेक्षा राखेकी छु। तर यसका लागि सबैभन्दा महत्त्वपूर्ण भनेको सदनका दुई ठूला दल मिलेर बनेको दुईतिहाइ विश्वास प्राप्त शक्तिशाली सरकारका सम्माननीय प्रधानमन्त्री खड्गप्रसाद शर्मा ओलीज्यू र माननीय मन्त्री बद्रीप्रसाद पाण्डेज्यूको दृढ प्रतिबद्धता र इमानदार प्रयत्न चाहिन्छ। आशा छ अब भने जनतालाई निराश बनाउनु हुनेछैन।’