बर्लिन । जर्मनीका रक्षामन्त्री बोरिस पिस्टोरियसले अमेरिकाले जर्मनीबाट ५,००० सैनिक फिर्ता लैजाने निर्णय पूर्वानुमान रहेको बताएका छन्।

डिपिए समाचार संस्थासँगको कुराकानीमा उनले युरोप, विशेषगरी जर्मनीमा अमेरिकी सैनिकको उपस्थिति दुवै देशको हितमा रहेको उल्लेख गरे ।

यसैबीच नाटोले उक्त निर्णयबारे वाशिङ्टनसँग थप स्पष्टता खोजिरहेको जनाएको छ। नाटोकी प्रवक्ताका अनुसार गठबन्धन अमेरिकी पक्षसँग समन्वयमा रही निर्णयका विवरण बुझ्ने प्रयासमा छ।

यो कदम अमेरिकी राष्ट्रपति ट्रम्पले जर्मन चान्सलरको टिप्पणीप्रति आलोचना गरेपछि आएको हो । जर्मन चान्सलर मर्जले इरानसँग जारी द्वन्द्वका क्रममा अमेरिकी पक्ष ‘अपमानित’ भएको बताएका थिए । हाल जर्मनीमा ३६,००० भन्दा बढी अमेरिकी सैनिक तैनाथ छन्, जुन युरोपमा अमेरिकाको सबैभन्दा ठूलो सैन्य उपस्थिति हो।