कास्की । राष्ट्रिय स्वतन्त्र पार्टीका सभापति रवि लामिछाने थप १३ दिन हिरासतमा रहने भएका छन् । जिल्ला अदालत कास्कीका न्यायाधीश नवराज दाहालको इजलासले आइतबार लामिछानेलाई थप १३ हिरासतमा नै राखेर अनुसन्धान गर्न कास्की प्रहरीलाई अनुमति दिएको हो ।
सहकारी ठगी र संगठित अपराधको कसुरको आरोपमा अनुसन्धानका लागि लामिछाने २ कात्तिकमा पक्राउ परेका थिए। त्यसयता प्रहरीले अदालतको अनुमति लिँदै थुनामा राखिरहेको छ।

उनीमाथि सम्पत्ति शुद्धीकरणको मुद्दामा पनि अनुसन्धान भइरहेको प्रहरीले जानकारी दिएको छ।