काठमाडौं । प्रहरी नायव महानिरीक्षक(डीआईजी)बाट प्रहरी अतिरिक्त महानिरीक्षक (एआईजी)पदमा पदोन्नति भएका किरण राणा र डा. सुन्दरप्रसाद ह्योजुलाई दर्ज्यानी चिन्ह प्रदान गरिएको छ ।

मंगलबार साँझ बसेको बैठकले उनीहरुलाई एआईजीमा बढुवा गर्ने निर्णय गरेको थियो । बैठकको निर्णयलगत्तै मंगलबार राति प्रहरी महानिरीक्षक बसन्त बहादुर कुँवरले प्रहरी प्रधान कार्यालयमा उनीहरूलाई दर्ज्यानी चिन्ह प्रदान गरेका हुन् ।

समारोहलाई सम्बोधन गर्दै प्रहरी महानिरीक्षक कुँवरले दर्ज्यानी चिन्हद्वारा सुशोभन भएका प्रहरी अधिकृतहरूलाई बधाई तथा सफल कार्यकालको शुभकामना व्यक्त गरे ।

राणा प्रहरी सेवाबाट बुधबार अवकास हुँदैछिन् । बिहीबार उमेर हदका कारण अवकास हुने राणालाई कात्तिक ४ गते बढुवा समितिले एआईजीमा सिफारिस गरेको थियो ।