काठमाडौं । राष्ट्रिय सुरक्षा परिषद्का राष्ट्रिय सुरक्षा सल्लाहकार शंकरदास बैरागीले पदबाट राजीनामा दिएका छन् । बैरागीले साउन ९ गतेदेखि लागू हुने गरी राजीनामा दिएका हुन् ।

उनलाई २०८० जेठ ३२ गते राष्ट्रिय सुरक्षा परिषदमा नयाँ पद सिर्जना गरेर नियुक्त गरिएको थियो । वैकुण्ठ अर्याललाई मुख्यसचिव बनाउने भएपछि बैरागीका लागि सरकारले उक्त पद सिर्जना गरेको थियो ।

बैरागीलाई मन्त्री सरहको सेवा सुविधा दिने गरी राष्ट्रिय सुरक्षा सल्लाहकार बनाइएको थियो । अख्तियारले भ्रष्टाचार मुद्दा दायर गरेपछि अर्याल हाल निलम्बित छन् । केही दिनअघि उनलाई विशेष अदालतले ५० हजार धरौटीमा रिहा गरेको थियो ।