काठमाडौं । नेपाली कांग्रेसका सांसद दीपक गिरीले नेपाली कांग्रेस र नेकपा एमालेका बीचमा भएको संवादबाट आशाको सञ्चार गरेको बताएका छन् ।

सोमबारको प्रतिनिधिसभाको बैठकमा सांसद गिरीले लोकतन्त्रको रक्षा, राजनीतिक स्थिरता र सुशासनका लागि दुई दल मिल्नु आवश्यक रहेको बताएका हुन् ।

उनले संविधान संशोधनसम्मका लागि काँग्रेस र एमालेका बीचमा संवाद र सहकार्य गर्नुपर्ने बताए । उनले भने, ‘चारैतिर निराशा फैलिएका बेला संसदका दुई ठूला दल नेपाली काँग्रेस तथा नेकपा एमालेका शीर्ष नेताहरुबीच शुरु भएको सघन संवादले आशाको सञ्चार गरेको छ। ठूला दलहरु बीचको संवादबाट कोही पनि चिन्तित हुनुपर्ने आवश्यक छैन। यसलाई सकारात्मक लिन पनि म आग्रह गर्न चाहन्छु।’