काठमाडौं । सरकारले रसिया र युक्रेनका लागि दिँदै आएको श्रम स्वीकृतिमा रोक लगाएको छ । वैदेशिक रोजगार विभागले बिहीबार सूचना जारी गरी रसिया–युक्रेनबीच जारी युद्धका लागि नेपाली नागरिकहरु रुसी सेनामा भर्ना भइरहेको भन्दै दुई देशमा श्रम स्वीकृतिमा रोक लगाएको जनाएको छ ।

विभागले भनेको छ, ‘रुसी सेनामा गएर नेपालीहरु मृत्यु भएको खबर आइरहेको छ । यस विषयमा अध्ययन तथा छानबिन पनि भइरहेकाले हाललाई श्रम स्वीकृति रोकेका छौं ।’