काठमाडौं । परराष्ट्रमन्त्री आरजु राणा देउवाले गैरआवासीय नेपाली संघ (एनआरएनए)को ६ महिनाभित्र एकता महाधिवेशन हुनुपर्ने बताएकी छन् । उनले सर्वोच्च अदालतको चैत २१ गतेको फैसला र मन्त्रालयले कात्तिक १ मा गरेको पत्राचारअनुसार महाधिवेशन गर्नुपर्ने बताएकी हुन् ।

संघको अन्तर्राष्ट्रिय समन्वय परिषद्को ८१औँ बैठकले गठन गरेको पूर्व अध्यक्ष शेष घले नेतृत्वको उच्चस्तरीय समितिसँग भएको बैठकका क्रममा राणाले एनआरएनएको एकताको उद्देश्यसहित मन्त्रालयले आवश्यक पहलकदमी लिएको बताइन् । उनले देशको आर्थिक समृद्धिका गैरआवासीय नेपालीको भूमिका महत्त्वपूर्ण रहेको भन्दै त्यसका लागि एनआरएनहरुबीच एकता आवश्यक रहेको बताइन् ।