काठमाडौँ । सोमबार कीर्तिमान कायम गरेको सुनको मूल्य मंगलबार तोलामा दुई हजार तीन सय रुपैयाँले घटेको छ ।

सोमबार प्रतितोला एक लाख ५० हजार कायम भई सुनको मूल्य हालसम्मकै उच्च बिन्दुमा पुगेको थियो । नेपाल सुनचाँदी व्यवसायी महासङ्घका अनुसार, छापावाला सुन मंगलबारका लागि प्रतितोला एक लाख ४७ हजार सात सय निर्धारण भएको छ ।

तेजाबी सुन प्रतितोला एक लाख ४७ हजार कायम भएको छ । सोमबार तेजाबी सुन प्रतितोला एक लाख ४९ हजार पाँच सयमा कारोबार भएको थियो ।

चाँदीको मूल्य पनि तोलामा ६० रुपैयाँले घटेको छ । सोमबार चाँदी प्रतितोला एक हजार सात सय ८५ रुपैयाँमा कारोबार भएकामा आजका लागि एक हजार सात सय २५ निर्धारण भएको छ ।