काठमाडौं । प्रहरीले काठमाडौंको तार्केश्वरमा गोली चलाएर लागुऔषध कारोबारी पक्राउ गरेको छ । मंगलबार लागुऔषध नियन्त्रण ब्युरोको टोलीले गोली चलाएर लागुऔषध कारोबारीलाई पक्राउ गरेको हो ।

लागुऔषध कारोबारीलाई नियन्त्रणमा लिन तीन राउन्ड हवाई फायर गरेको ब्यूरोले जनाएको छ । त्यसक्रममा प्रहरीले एक जनालाई पक्राउ गरेको छ । प्रहरीले उनको साथबाट ३०० ग्रामभन्दा बढी लागुऔषध खैरो हेरोइन बरामद गरेको जनाएको छ ।