एजेन्सी ।  आइपिएल अन्तर्गत राजस्थान रोयल्सले पहिलो जित हासिल गरेको छ । गएराती सम्पन्न खेलमा राजस्थान रोयल्सले चेन्नई सुपर किंग्सलाई ६ रनले पराजित गरेको हो ।

राजस्थानले दिएको १८३ रनको लक्ष्य पछाएको चेन्नई सुपर किंग्सले २० ओभरमा ६ विकेट गुमाउदै १७६ रन बनाएको थियो ।

चेन्नईका लागि कप्तान रुतुराज गायकवाडले ६३ रन बनाएका थिए भने रविन्द्र जडेजाले ३२, राहुल त्रिपाठीले २३, शिभम दुवेले १८ र महेन्द्र सिंह धोनीले १६ रन बनाएका थिए । त्यस्तै राजस्थानका बलर वानिन्दु हसरंगाले ४ विकेट लिएका छन् ।

त्यसै यस अघि टस हारेर पहिला ब्याटिंग गरेको राजस्थानले नितिश राणाको ८१ र कप्तान रियान परागको ३७ रनको सहयोगमा २० ओभरमा ९ विकेट गुमाउदै १८२ रन बनाएको थियो ।

त्यसैगरी खलिल अहमद, नूर अहमद र माथीशा पथिरानाले २-२ विकेट लिएका थिए ।

यो राजस्थानको तेस्रो खेलमा पहिलो जित हो भने चेन्नईले लगातार दोस्रो हार बेहोरेको छ । चेन्नईले ३ खेलमा एक जित र २ हार बेहोरेको छ ।