विराटनगर । नेकपा माओवादी केन्द्रका अध्यक्ष पुष्पकमल दाहाल प्रचण्डले उपसभामुख इन्दिरा रानालाई हटाउने विषयबाट काँग्रेस–एमाले आफैं पछि हट्ने बताएका छन् ।

शनिबार विराटनगर विमानस्थलमा पत्रकारहरुसँग कुरा गर्दै अधयक्ष प्रचण्डले उपसभामुखले हस्ताक्षर गरेर गल्ती गरेपछि हटाउन नहुने बताए ।

उनले उपसभामुख इमान्दार र ख्यातिप्राप्त व्यक्ति भएकाले उहाँलाई हटाउन नहुने बताए । उनले भने, ‘उहाँले टेक्निकल्ली केही कुरा नजानेर त्रुटी गर्नुभयो। त्यसको सजाय उपसभामुखबाट हटाउनेसम्म जानु हुँदैन भन्नेमा हामी दृढ छौं। सायद उहाँलाई हटाउने कुराबाट काँग्रेस एमाले नै पछि हट्नु हुन्छ होला।’

उनले संवैधानिक परिषदको बैठकमा प्रधानन्यायाधीशमा सिफारिसका लागि आठ जनाको नाम आएको र वरिष्ठलाई छाडेर अर्कोलाई ल्याउनुपर्छ भनेर कसैले नभनेको बताए ।