काठमाडौं । संक्रमणकालीन न्याय सम्बन्धी विधेयक(टीआरसी) संसदबाट पारित भइ राष्ट्रपतिबाट प्रमाणीकरण भएकोमा चीनले बधाई दिएको छ ।

शनिबार नेपालका लागि चिनियाँ राजदूत चेन सोङले समाजिक संजालमार्फत विधेयक प्रमाणीकरण गरेकोमा नेपाललार्ई बधाई दिएका हुन् ।

उनले नेपालको शान्ति प्रक्रियामा यो ऐतिहासिक कोसेढुङ्गा हुने बताएका छन् । उनले भनेका छन्, ‘बेपत्ता पारिएका व्यक्तिको छानबिन आयोग र सत्य निरुपण तथा मेलमिलाप आयोग ऐन (तेस्रो संशोधन) विधेयक, २०८१ लाई प्रमाणीकरण गरेकोमा हार्दिक बधाइ । माननीय श्री रामचन्द्र पौडेल, राष्ट्रपति नेपाल । सबै दलको सहमतिमा आधारित नेपालको शान्ति प्रक्रियामा यो ऐतिहासिक कोसेढुङ्गा हो । सबै सरोकारवालाहरू अगाडि बढ्ने र नेपालको उज्ज्वल भविष्यलाई अँगाल्ने बेला आएको छ।’

संसदका दुवै सनदबाट पारित विधेयकलाई राष्ट्रपति पौडेलले बिहीबार प्रमाणीकरण गरेका थिए। यसअघि
विधेयक प्रमाणीकरण भएकोमा अमेरिका, युरोपिएन युनियनलगायत दश देशले स्वागत गरेका थिए ।