काठमाडौँ- राप्रपा नेपालका अध्यक्ष कमल थापाले गणतन्त्र ,धर्मनिरपेक्षता र संघीयताले मुलुकलाई झनै अस्थिर र कमजोर बनाएको भन्दै अब विकल्प खोज्नुपर्नेमा जोड दिएका छन् ।
मकवानपुरको हेटौंडामा आयोजित कार्यक्रममा थापाले देशको राष्ट्रियता कमजोर भएको, विदेशी प्रभाव र दबाब बढेको, आर्थिक क्षेत्र संकटग्रस्त हुँदै गएको बताए ।
भ्रष्टाचारीलाई कारबाही गर्नुपर्ने, कठघरामा उभ्याउनुपर्ने सरकार आफैँ भ्रष्टाचारमा लिप्त भएको भन्दै थापाले भ्रष्टाचारीहरू दण्डित हुनुको सट्टा मुलुकमा ब्रह्मलुट गरेकाे बताए । नेपालमा राजासहितको प्रजातन्त्रको मौलिक राज्यप्रणाली अहिलेको आवश्यकता भएको समेत उनले जिकिर गरे।
धर्म, संस्कृती र पहिचानलाई मेटेर मुलुकको हित नहुने भन्दै उनले अब दुर्घटनाउन्मुख मुलुक जोगाउन जनता सडकमा आउनुपर्ने आवश्यकता औँल्याए ।
© 2026 All right reserved to samajpress.com | Site By : Sobij
