भक्तपुर । भक्तपुरमा हनुमन्ते खोलामा जलसतहको तह पार गरेको छ । जल तथा मौसम विज्ञानविभागका अनुसार आज बिहान १०ः३० बजे गरिएको मापनमा भक्तपुर जिल्लाको हनुमन्ते खोला जगाती बाढी मापन केन्द्रमा हाल जलसतहले सतर्कता तह पार गरेको र बढदो क्रममा रहेको छ ।

विभागले पानीको सहत बढदो क्रममा रहेको जनाउँदै हनुमन्ते खोला नदी तटीय क्षेत्रमा रहेका सबैलाई आज बेलुका ५ बजेसम्म उच्च सतर्कता अपनाउन सूचित समेत गरेको छ । हरेकवर्ष हनुमन्तेले भक्तपुरका विभिन्न क्षेत्र डुवानमा पार्दै आएको छ ।