काठमाडौं । नेकपा एकीकृत समाजवादीकी नेतृ रामकुमारी झाँक्रीले कांग्रेस महामन्त्री गगन थापामाथि लगाएको आरोप पुष्टि गर्न गृहमन्त्री रवि लामिछानेलाई चुनौती दिएकी छन् ।

सोमबार सामाजिक संजालमार्फत नेतृ झाँकीले गगन थापा आन्दोलनको नेता र युवाहरुको राजनीतिको आइकन भएको बताएकी हुन् । उनले भनेकी छन्, ‘गगन थापा यो आन्दोलनको नेता हो । युवाहरूको राजनीतिक आइकन हो। आफ्नो सामर्थ्यले यो तहको नेता बनेको हो। गगन थापा माथि लगाएको आरोपको प्रमाणको भार स्वयं आरोप लगाउनेले पुरा गर्नुपर्छ, हेक्का रहोस् !’

सहकारी ठगीमा मुछिएका गृहमन्त्री लामिछानेले आइतबार सदनमा सम्बोधनका क्रममा थापामाथि विदेशीलाई सूचना बेच्ने गरेको लगायतका आधारहीन आरोप लगाएका थिए । नेपाली कांग्रेसले गृहमन्त्री सहकारी ठगीमा मुछिएको भन्दै संसदीय समिति गठनको माग गर्दै आएको छ ।