काठमाडौं । मंसिर १४ गतेदेखि बैतडीको झुलाखालबाट सुरू भएको नेकपा एमालेको झुलाघाट–चिवाञ्ज्याङ मध्य पहाडी संकल्प यात्रा पाँचथरको चिवाभञ्ज्याङ पुगेर समापन भएको छ ।

आइतबार चिवाभञ्ज्याङ पुगेर एमाले अध्यक्ष केपी शर्मा ओलीले नेपाल– भारत सीमानाका चिवाभञ्ज्याङमा राष्ट्रिय झण्डा झण्डोत्तोलन गरेर यात्राको समापन गरेका हुन् ।

संकल्प यात्राको अन्तिम दिन अध्यक्ष ओलीसहित एमाले शीर्ष नेताहरू हेलिकोप्टरबाट नेपाल–भारत सीमावर्ती चिवाभञ्ज्याङ पुगेका थिए । अध्यक्ष ओलीले मंसिर १४ गते भारतसँगको सीमाना झुलाघाटमा झण्डोत्तोलन गरेर अभियान सुरु गरेका थिए ।