एन्सेलोट्टीले घोषणा गरेको टिममा नेइमारलाई बाहिर राखेका छन् भने एन्टोनीलाई टिममा स्थान दिएका छन् । रियल बेटिसमा राम्रो प्रदर्सन गरेका एन्टोनीले राष्ट्रिय टिममा स्थान बनाउन सफल भएका छन् ।

नेइमारलाई बाहिर राखेको विषयमा एन्सेलोट्टीले उनी भर्खरै इन्जुरीबाट आएको र आफुले नेइमारसँग कुरा गरेर नै उनलाई बाहिर राखेको जानकारी दिएका छन् । साथै उनले नेइमार आफ्नो विश्वकपको योजनामा रहेको र उनी पुर्णरुपमा फिट भएर आउने बताए ।

ब्राजिलले इक्वेडर र पराग्वेसँग खेल्ने विश्वकप छनौटका खेल खेल्न एन्सेलोट्टीले टिमको घोषणा गरेका हुन् । ब्राजिलले जुन ६ मा इक्वेडर र जुन ११ मा पराग्वेसँग खेल्दैछ । हाल दक्षिण अमेरिकी विश्वकप छनौटमा ब्राजिल १४ खेलमा २१ अंकसहित चौथो स्थानमा रहेको छ ।

ब्राजिलको टिम: 

गोलकिपर: एलिसन (लिभरपुल), बेन्टो (अल-नासर) र ह्युगो सुजा (कोरिन्थियन्स) ।
डिफेन्डर: एलेक्स सान्ड्रो, ड्यानिलो, लियो ओर्टिज, वेस्ली (सबै फ्लेमेन्गो), एलेक्ससान्ड्रो (लिले), लुकास बेराल्डो (पेरिस सेन्ट जर्मेन), कार्लोस अगस्टो (इन्टर मिलान) र भान्डरसन (मोनाको) ।
मिडफिल्डर: एन्ड्रियास पेरेरा (फुलहाम), एन्ड्रे सान्तोस (स्ट्रासबर्ग), ब्रुनो गुइमारेस (न्यूक्यासल), क्यासेमिरो  (म्यानचेस्टर युनाइटेड) र एडरसन (एटलान्टा/गेर्सन)
फरवार्ड: एन्टोनी (रियल बेटिस), एस्टेभाओ (पाल्मेरास), गेब्रियल मार्टिनेली (आर्सनल), म्याथ्युस कुन्हा (वोल्भरह्याम्प्टन), राफिनहा (बार्सिलोना), रिचार्लिसन (टोटेनहम) र भिनिसियस जुनियर (रियल म्याड्रिड) ।