ह्वाइट हाउसले अमेरिका आउने चिनियाँ सामानहरूमा लगाइएको भन्सार १४५ प्रतिशत रहेको बताएको छ । बुधबार अमेरिकी राष्ट्रपति डोनाल्ड ट्रम्पले कर १२५ प्रतिशतसम्म बढाउने बताएका थिए ।

यद्यपि, अमेरिकी प्रशासनले पहिले उद्धृत गरिएको तथ्याङ्कमा पहिले नै लागू भएको २० प्रतिशत भन्सार समावेश नरहेको स्पष्ट गरेको छ । यसलाई अब छुट्टै थपिँदैछ, जसले गर्दा कुल शुल्क १४५ प्रतिशत हुनेछ । यसअघि चीनले अमेरिकी सामानमा ८४ प्रतिशत कर लगाउने घोषणा गरेको थियो ।

ट्रम्पले आफ्नो व्यापक ट्यारिफ योजनालाई परिमार्जन गर्दै चीन बाहेक सबै देशहरूमा ९० दिनको लागि ट्यारिफ स्थगित गरेका थिए, जसको दर धेरै उच्च थियो । तर यसैबीच, सबै देशहरूमा दस प्रतिशतको आधारभूत शुल्क लागू रहनेछ ।

अमेरिकी करको जवाफमा चीनको वाणिज्य मन्त्रालयले अमेरिकासँग करमा वार्ता सुरु गर्न आफुहरु खुला रहेको बताएको छ । मन्त्रालयले भनेको छ- ‘चीनको अडान स्पष्ट र दृढ छ। यदि अमेरिका वार्ता गर्न चाहन्छ भने, हाम्रा ढोका खुला छन्, तर वार्ता पारस्परिक सम्मान र समानतामा आधारित हुनुपर्छ । यदि अमेरिका लड्न चाहन्छ भने, हाम्रो प्रतिक्रिया अन्त्यसम्म जारी रहनेछ। दबाब, धम्की र जबरजस्ती चीनसँग व्यवहार गर्ने सही तरिका होइन ।’