कञ्चनपुर । बुधबारदेखि कञ्चनपुरको दोधारा चाँदनीमा देखिएको बाघ डार्ट गरी नियन्त्रणमा लिइएको छ । शुक्रबार बिहान साढे नौ बजे बाघलाई डार्ट गरी नियन्त्रणमा लिइएको नेपाली सनोका मेजर नवीन बोहराले जानकारी दिए ।

उक्त बाघलाई अहिले शुक्लाफाँटा राष्ट्रिय निकुञ्जमा लगिएको छ । त्यसपछि कहाँ लग्ने भन्नेबारे छलफल गरेर टुङ्गो लाग्ने बताइएको छ । नरभक्षी बाघको आक्रमणमा परेर बिहीबार बिहान दोधारा चाँदनी नगरपालिका –२ की २३ वर्षीय हिरा शाहको मृत्यु भएको थियो ।

धान खेतमा काम गरिरहेकी शाहलाई बाघले आक्रमण गरी लगेको थियो । उनको शव नजिकैको उखुबारीमा फेला परेको थियो ।