काठमाडौं । सरकारले स्थानीय तहको बाँकी वित्तीय समानीकरण अनुदानवापतको रकम पठाउने भएको छ । सोमबार बसेको मन्त्रिपरिषद् बैठकले चालु आर्थिक वर्षमा स्थानीय तहलाई हस्तान्तरण हुन बाँकी १६ अर्ब ७९ करोड २२ लाख रुपैयाँ पठाउने निर्णय गरेको सरकारका प्रवक्ता एवं सञ्चार तथा सूचना प्रविधि मन्त्री रेखा शर्माले जानकारी दिइन् ।

उनकाअनुसार अहिले ८७ अर्ब ३५ करोड २९ लाख विनियोजन भएकोमध्ये ९३ प्रतिशत हुनेगरी रकम पठाइने भएको हो । केही दिनअघि स्थानीय तहका प्रमुखहरूले प्रधानमन्त्री पुष्पकमल दाहाल प्रचण्डलाई भेटेर सम्मानीकरण अनुदान १०० प्रतिशत नै दिइनुपर्ने माग गरेका थिए ।